महिला अधिकारकर्मी सोभा पाठक को प्रश्न: ‘रवि राति पक्राउ हुने, ओली दिउँसो किन नहुने?’

काठमाडौं — महिला अधिकारकर्मी Shobha Pathak ले पछिल्लो राजनीतिक घटनाक्रमप्रति प्रश्न उठाउँदै सामाजिक सञ्जालमा टिप्पणी सार्वजनिक गरेकी छन्। उनले “रास्वपा अध्यक्ष Rabi Lamichhane लाई राति पक्राउ गर्न हुने, एमाले अध्यक्ष KP Sharma Oli लाई दिउँसो पक्राउ गर्न नहुने हो र?” भन्दै राज्यका निकायहरूको कार्यशैलीमाथि प्रश्न गरेकी हुन्।

उनले कानून सबैका लागि समान रूपमा लागू हुनुपर्ने धारणा राख्दै राजनीतिक व्यक्तिहरूबीच फरक व्यवहार हुनु नहुने बताएकी छन्। पाठकको उक्त अभिव्यक्तिले सामाजिक सञ्जालमा व्यापक बहस र प्रतिक्रिया उत्पन्न गरेको छ।

उक्त स्टाटसलाई धेरैले विधिको शासन, समानता र पारदर्शिताको पक्षमा उठाइएको आवाजका रूपमा लिएका छन् भने केहीले यसलाई राजनीतिक टिप्पणीका रूपमा हेरेका छन्। हाल यस विषयमा विभिन्न तहबाट मिश्रित प्रतिक्रिया आइरहेको छ।