काठमाडौं — राष्ट्रिय स्वतन्त्र पार्टी (रास्वपा) का सभापति रवि लामिछाने अस्पताल भर्ना भएका छन्। देब्रे खुट्टामा समस्या देखिएपछि उनलाई त्रिभुवन शिक्षण अस्पताल, महाराजगञ्जमा भर्ना गरिएको पार्टी सचिवालयले जनाएको छ।
सचिवालयका अनुसार केही दिनअघि जनकपुरमा आयोजित सभामा सहभागी हुने क्रममा लामिछानेको खुट्टामा चोट लागेको थियो। सोही चोटका कारण समस्या बढेपछि चिकित्सकको सल्लाहअनुसार अस्पताल भर्ना गरिएको हो।
हाल उनको स्वास्थ्य अवस्था सामान्य रहेको र आवश्यक उपचार तथा परीक्षण भइरहेको बताइएको छ। चिकित्सकहरूले केही दिन आराम गर्न सुझाव दिएका छन्।
रास्वपा स्रोतका अनुसार उपचारपछि लामिछाने पुनः नियमित राजनीतिक गतिविधिमा फर्किने तयारीमा रहनेछन्।
27 January 2026
