जापानस्थित नेपाली समुदायबीच नेपाल राजदूतावास, जापान र NRNA जापानको संयुक्त आयोजनामा एक सम्मान कार्यक्रम भव्य रूपमा सम्पन्न भएको छ। उक्त कार्यक्रममा विभिन्न क्षेत्रमा योगदान पुर्याउने व्यक्तित्वहरूलाई सम्मान गरिएको थियो।
कार्यक्रममा सहभागी भएका NRNA-ICC का वरिष्ठ उपाध्यक्ष रोविन शेरचनले आयोजकप्रति हार्दिक धन्यवाद व्यक्त गर्दै यस्तो महत्वपूर्ण अवसरमा सहभागी हुन पाएकोमा गर्व व्यक्त गरे। उनले कार्यक्रम सफल बनाउन आयोजक टोलीले देखाएको समन्वय, सहयोग र आत्मीयता प्रशंसनीय रहेको बताए।
शेरचनले विदेशमा रहेका नेपाली समुदायबीच आपसी एकता, सहकार्य र सम्बन्ध सुदृढ गर्न यस्ता कार्यक्रमहरूले महत्वपूर्ण भूमिका खेल्ने विश्वास व्यक्त गरे। कार्यक्रममा नेपाली समुदायका विभिन्न प्रतिनिधि, समाजसेवी तथा अगुवाहरूको उल्लेखनीय उपस्थिति रहेको थियो।
उक्त कार्यक्रमले जापानमा रहेका नेपालीहरूबीच आपसी सम्बन्ध अझ मजबुत बनाउने अपेक्षा गरिएको आयोजकले जनाएको छ।
