द टन न्युज ॥ विशेष रिपोर्ट
गोरख बहादुर ‘आनन्द’ बिष्टद्वारा खुला ४५ केन्द्रीय सदस्य पदमा उम्मेदवारी घोषणा, महाधिवेशन प्रतिनिधिसँग मागे अमूल्य मत
काठमाडौं । नेपाली कांग्रेसको १५औँ महाधिवेशनमा नेता गोरख बहादुर ‘आनन्द’ बिष्टले खुलातर्फका ४५ केन्द्रीय सदस्य पदका लागि आफ्नो उम्मेदवारी प्रस्तुत गरेका छन्।
महाधिवेशनको राजनीतिक माहोल तातिरहेका बेला बिष्टले सम्पूर्ण महाधिवेशन प्रतिनिधिलाई सम्बोधन गर्दै आफ्नो उम्मेदवारीलाई संगठनप्रतिको जिम्मेवारी र विश्वाससँग जोडेर अघि बढाएका छन्।
बिष्टले महाधिवेशन प्रतिनिधिहरूलाई हार्दिक ‘जय नेपाल’ अभिवादन व्यक्त गर्दै आफूलाई अमूल्य मत, साथ, सहयोग र विश्वास प्रदान गर्न अपिल गरेका छन्। उनले आफ्नो उम्मेदवारीलाई सफल बनाउन प्रतिनिधिहरूको मत र समर्थन निर्णायक हुने उल्लेख गर्दै मतदानमार्फत विजयी गराइदिन आग्रह गरेका छन्।
कांग्रेसको १५औँ महाधिवेशनमा खुला ४५ केन्द्रीय सदस्यका लागि हुने प्रतिस्पर्धामा बिष्टको उम्मेदवारीले पनि चर्चा पाएको छ। लामो समयदेखि कांग्रेसको राजनीतिक यात्रामा सक्रिय बिष्टले केन्द्रीय सदस्यका रूपमा पार्टीको संगठन, एकता र आगामी राजनीतिक यात्रामा योगदान पुर्याउने उद्देश्यसहित प्रतिनिधिहरूसमक्ष आफ्नो पक्ष प्रस्तुत गरिरहेका छन्।
आफ्नो अपिलमा बिष्टले भनेका छन्, “यहाँहरूका अमूल्य मत, साथ, सहयोग र विश्वासका लागि हार्दिक अपिल गर्दछु। आफ्नो अमूल्य मत प्रदान गरी मलाई विजयी गराइदिनुहुन हार्दिक अनुरोध गर्दछु।”
गोरख बहादुर (आनन्द) बिष्ट
उम्मेदवार — खुला ४५ केन्द्रीय सदस्य, नेपाली कांग्रेस १५औँ महाधिवेशन
