एनआरएनएको केन्द्रीय नेतृत्व सम्हालिसकेकी रबिना थापाद्वारा कांग्रेस केन्द्रीय सदस्यमा मनोनयन दर्ता
काठमाडौं । द टन न्युज । विशेष रिपोर्ट
गैरआवासीय नेपाली संघ (एनआरएनए) को केन्द्रीय नेतृत्वमा रहेर काम गरिसकेकी रबिना थापाले नेपाली कांग्रेसको १५औँ महाधिवेशनमा केन्द्रीय सदस्य (महिला) पदका लागि मनोनयन दर्ता गराएकी छन्।
लामो समयदेखि गैरआवासीय नेपाली अभियानमा सक्रिय थापाले विदेशमा रहेका नेपालीका मुद्दा, समस्या, अधिकार र अपेक्षालाई अब राजनीतिक तथा पार्टीको केन्द्रीय तहसम्म प्रभावकारी रूपमा उठाउने उद्देश्यसहित आफ्नो उम्मेदवारी प्रस्तुत गरेकी हुन्।
एनआरएनएको केन्द्रीय नेतृत्वमा रहेर काम गरेको अनुभवलाई नेपाली कांग्रेसको संगठन र प्रवासी नेपालीसँगको सम्बन्ध विस्तारमा उपयोग गर्ने लक्ष्यसहित थापा राजनीतिक यात्रामा अघि बढेकी छन्।
विदेशमा रहेका नेपाली समुदायसँगको लामो सहकार्यबाट हासिल गरेको अनुभव, ज्ञान र सीपलाई पार्टीको नीति निर्माण तथा संगठनात्मक भूमिकामा उपयोग गर्ने अवसरका रूपमा उनको उम्मेदवारीलाई लिइएको छ।
थापाको उम्मेदवारीसँगै नेपाली कांग्रेसको १५औँ महाधिवेशनमा महिला नेतृत्व र प्रवासी नेपालीका विषयलाई पार्टीको केन्द्रीय तहमा थप जोड दिने बहससमेत अघि बढेको छ।
महाधिवेशन प्रतिनिधिहरूले उम्मेदवारका अनुभव, प्रतिबद्धता र प्रस्तुत एजेन्डालाई आधार बनाएर आफ्नो विवेकअनुसार मतदान गर्ने अपेक्षा गरिएको छ।
