पदम सुन्दर गुरुङद्वारा कांग्रेसको वडा अधिवेशनबाट निर्वाचित नेतृत्वलाई बधाई, सफल कार्यकालको शुभकामना
द टन न्युज । काठमाडौं ।
नेपाली कांग्रेसको १५औँ महाधिवेशनअन्तर्गत सम्पन्न वडा अधिवेशनबाट निर्वाचित वडा सभापति, पदाधिकारी, क्षेत्रीय प्रतिनिधि तथा सम्पूर्ण वडा कार्यसमितिका पदाधिकारी एवं सदस्यहरूलाई नेपाली कांग्रेसका युवा नेता पदम सुन्दर गुरुङले हार्दिक बधाई तथा सफल कार्यकालको शुभकामना व्यक्त गरेका छन्।
गुरुङले सामाजिक सञ्जालमार्फत शुभकामना व्यक्त गर्दै वडा तहबाट निर्वाचित नयाँ नेतृत्वले पार्टीको संगठनलाई थप सुदृढ, सक्रिय र जनमुखी बनाउन महत्वपूर्ण भूमिका निर्वाह गर्ने विश्वास व्यक्त गरेका छन्। उनले अधिवेशनबाट जिम्मेवारी प्राप्त गरेका सम्पूर्ण प्रतिनिधि तथा कार्यसमितिलाई आगामी कार्यकालका लागि शुभकामना दिँदै पार्टीको लोकतान्त्रिक अभ्यास र संगठन निर्माणमा सक्रिय भूमिका निर्वाह गर्न आह्वानसमेत गरेका छन्।
नेपाली कांग्रेसको १५औँ महाधिवेशनअन्तर्गत वडा अधिवेशन असोज ३ र ४ गते स्थानीय अनुकूलताअनुसार सञ्चालन गरिएको थियो। कांग्रेस केन्द्रीय निर्वाचन समितिका अनुसार वडा अधिवेशनबाट वडा कार्यसमिति तथा क्षेत्रीय प्रतिनिधि चयन गर्ने प्रक्रिया अघि बढाइएको हो।
गुरुङको पोस्टरमा “राष्ट्रियता ! लोकतन्त्र ! समाजवाद !” भन्ने नेपाली कांग्रेसका मूल आदर्शसहित “१५औँ महाधिवेशनको महाअभियानमा निर्वाचित सम्पूर्ण वडा सभापति, पदाधिकारी तथा क्षेत्रीय प्रतिनिधि ज्युहरूलाई हार्दिक बधाई तथा सफल कार्यकालको शुभकामना । जय नेपाल !” भन्ने सन्देश उल्लेख छ।
पोस्टरमा गुरुङलाई नेपाली कांग्रेसको महाअभियानमा सदस्य एवं संस्थापक सभापति, नेपाली जनसम्पर्क समिति बहराइनका रूपमा समेत प्रस्तुत गरिएको छ।
विदेशमा रहेर पनि नेपाली कांग्रेसको संगठनात्मक गतिविधि, प्रवासी नेपाली समुदाय तथा पार्टीको महाधिवेशन प्रक्रियासँग जोडिँदै आएका गुरुङले वडा तहमा निर्वाचित सम्पूर्ण नेतृत्वप्रति सम्मान व्यक्त गर्दै नयाँ जिम्मेवारीलाई संगठन सुदृढीकरण र जनसम्पर्क विस्तारको अवसरका रूपमा लिनुपर्ने सन्देश दिएका छन्।
कांग्रेसको आधिकारिक निर्वाचन कार्यतालिकाअनुसार १५औँ केन्द्रीय महाधिवेशन २०८३ असोज १६, १७, १८ र १९ गते काठमाडौंमा गर्ने कार्यतालिका रहेको छ।
पदम सुन्दर गुरुङको शुभकामना सन्देश
हार्दिक शुभकामना
नेपाली कांग्रेसको १५औँ महाधिवेशनअन्तर्गत सम्पन्न वडा अधिवेशनबाट निर्वाचित क्षेत्रीय प्रतिनिधि, वडा सभापति, पदाधिकारी तथा सम्पूर्ण वडा कार्यसमितिका साथीहरूलाई हार्दिक बधाई तथा सफल कार्यकालको शुभकामना व्यक्त गर्दछु ।
जय नेपाल ।
पदम सुन्दर गुरुङ
नेपाली कांग्रेसका युवा नेता
नेपाली कांग्रेस महाअभियानका सदस्य एवं संस्थापक सभापति, नेपाली जनसम्पर्क समिति बहराइन
