गैँडाकोटमा डुबेको बस्ती
द टन न्युज ॥ नवलपरासी
नारायणी नदीमा आएको बाढीका कारण नवलपरासी (बर्दघाट–सुस्तापूर्व) को गैँडाकोट–२ स्थित बोटेटोल डुबानमा परेको छ।
नारायणी नदीको बाढी बस्तीमा पसेपछि बोटेटोलका करिब ११० घर डुबानमा परेका छन्। बाढीका कारण स्थानीयको जनजीवन प्रभावित भएको छ भने घरभित्र पानी पस्दा सर्वसाधारणलाई सुरक्षित स्थानतर्फ जानुपर्ने अवस्था सिर्जना भएको छ।
बाढीको सतह बढ्दै गएपछि स्थानीयमा थप क्षतिको त्रास बढेको छ। सम्बन्धित निकायले बाढी प्रभावित क्षेत्रका बासिन्दालाई सतर्क रहन तथा जोखिम बढेमा सुरक्षित स्थानमा स्थानान्तरण हुन आग्रह गरेका छन्।
नारायणी नदीमा पानीको बहाव र बाढीको अवस्थालाई निरन्तर निगरानीमा राखिएको छ।
27 September 2026
