काठमाडौं — काठमाडौँ निर्वाचन क्षेत्र नं. २ मा यसपटकको राजनीतिक प्रतिस्पर्धा विशेष अर्थपूर्ण बन्दै गएको छ। विकास, सुशासन र उत्तरदायी नेतृत्वको एजेण्डासहित उम्मेदवार मणिराम फुयाल जनआस्थाको केन्द्रका रूपमा उदाउँदै देखिएका छन्।
वर्षौंदेखि सामाजिक अभियान, जनसेवा र स्थानीय सरोकारका मुद्दामा सक्रिय फुयालले आफ्नो राजनीतिक यात्रालाई “संकल्प, संघर्ष र समर्पण” को सूत्रमा अघि बढाउँदै आएका छन्। शिक्षा, स्वास्थ्य, रोजगारी र पूर्वाधार विकासलाई प्राथमिकतामा राख्दै उनले काठमाडौँ–२ लाई व्यवस्थित, सुरक्षित र अवसरमूलक क्षेत्र बनाउने प्रतिबद्धता व्यक्त गरेका छन्।
विकासको स्पष्ट खाका
फुयालले क्षेत्रभित्र सडक स्तरोन्नति, ढल तथा खानेपानी व्यवस्थापन, सार्वजनिक विद्यालय सुदृढीकरण र युवामुखी सीपमूलक कार्यक्रमलाई पहिलो प्राथमिकता दिने बताएका छन्।
उनका अनुसार, “राजनीति केवल भाषण होइन, परिणाममुखी काम हुनुपर्छ।”
स्थानीय बासिन्दासँग घरदैलो कार्यक्रममार्फत निरन्तर संवाद गर्दै उनले जनताको गुनासो प्रत्यक्ष सुन्ने र समाधानका लागि कार्ययोजना बनाउने कामलाई तीव्रता दिएका छन्।
संघर्षबाट स्थापित नेतृत्व
साधारण पृष्ठभूमिबाट उदाएका फुयालले लामो समय सामाजिक तथा संगठनात्मक जिम्मेवारी सम्हाल्दै अनुभव हासिल गरेका छन्। स्थानीय तहदेखि राष्ट्रिय मुद्दासम्म स्पष्ट धारणा राख्ने उनी युवा र प्रौढ दुवै पुस्तामाझ लोकप्रिय बन्दै गएका छन्।
विशेषगरी युवापुस्तालाई स्वदेशमै अवसर सिर्जना गर्ने, उद्यमशीलता प्रवर्द्धन गर्ने र पारदर्शी प्रशासनिक अभ्यासलाई संस्थागत गर्ने उनको प्रतिवद्धताले मतदातामा उत्साह थपिएको छ।
जनआस्थाको बढ्दो समर्थन
काठमाडौँ–२ का विभिन्न टोल तथा समुदायमा भएका अन्तरक्रिया कार्यक्रममा उल्लेखनीय सहभागिता देखिएको छ। मतदाताहरूले विकासप्रेमी र इमानदार नेतृत्वको आवश्यकता औंल्याउँदै फुयालप्रति भरोसा व्यक्त गरेका छन्।
राजनीतिक विश्लेषकहरूका अनुसार, स्पष्ट दृष्टिकोण र जनतासँगको निकट सम्बन्धका कारण मणिराम फुयाल यस क्षेत्रका बलिया प्रतिस्पर्धीका रूपमा स्थापित भएका छन्।
आगामी निर्वाचनले काठमाडौँ–२ को भविष्यको दिशा तय गर्नेछ। विकास र उत्तरदायित्वको एजेण्डासहित अघि बढिरहेका मणिराम फुयालले जनताको विश्वासलाई मतमा परिणत गर्न सक्ने हुन् वा होइनन् भन्ने चासो यतिबेला सबैको केन्द्रमा छ।
“संकल्प बलियो छ, संघर्ष निरन्तर छ, समर्पण जनताप्रति छ” — यही नारासहित मणिराम फुयाल चुनावी मैदानमा सक्रिय छन्।
