काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेकी पत्नी निकिता पौडेलले सामाजिक सञ्जालमा साझा गरेको एक संक्षिप्त स्टाटस यतिबेला चर्चा बनेको छ। उनले “श्री गणेशाय नमः” उल्लेख गर्दै #RabiLamichhane, #RSP र #Falgun21 ह्यासट्यागसहित शुभकामना तथा सकारात्मक सन्देश व्यक्त गरेकी छन्।
उनको स्टाटसलाई धेरैले आगामी राजनीतिक गतिविधि तथा फागुन २१ गतेको निर्वाचनसँग जोडेर हेरेका छन्। समर्थकहरूले उक्त पोस्टलाई शुभारम्भ र सफलताको कामनास्वरूप लिएका छन् भने सामाजिक सञ्जालमा प्रतिक्रिया तथा शुभेच्छा सन्देशहरू पनि उल्लेख्य रूपमा आएका छन्।
रास्वपाका समर्थकहरूले निकिता पौडेलको सन्देशलाई पार्टी र नेतृत्वप्रति विश्वास तथा उत्साहको संकेतका रूपमा व्याख्या गरेका छन्। निर्वाचन नजिकिँदै जाँदा नेताहरूसँगै परिवारजनका सामाजिक सञ्जाल गतिविधि पनि चर्चामा आउन थालेका छन्।
