बैतडी — समृद्ध बैतडी निर्माणका लागि रुख चिन्हमा मतदान गर्न व्यापक आह्वान गरिएको छ। बैतडीबाट प्रतिनिधि सभा सदस्यका प्रत्यक्ष उम्मेदवार तथा नेपाली कांग्रेस का प्रभावशाली नेता चतुर बहादुर चन्दको जीत सुनिश्चित रहेको दाबी उनका समर्थकहरूले गरेका छन्।
चन्दले विकास, सुशासन र रोजगारी सृजनालाई मुख्य एजेन्डा बनाउँदै चुनावी अभियानलाई तीव्र बनाएका छन्। उनले शिक्षा, स्वास्थ्य, सडक पूर्वाधार र कृषि आधुनिकीकरणलाई प्राथमिकतामा राख्दै बैतडीलाई समृद्ध जिल्लाको रूपमा स्थापित गर्ने प्रतिबद्धता जनाएका छन्।
उनका अनुसार बैतडीको दिगो विकासका लागि स्पष्ट योजना, पारदर्शी नेतृत्व र जनतासँग प्रत्यक्ष समन्वय आवश्यक छ। “समृद्ध बैतडीका लागि अब सही निर्णय गर्ने समय आएको छ,” उनले चुनावी सभामा भनेका छन्।
स्थानीय स्तरमा उनको सक्रियता, संगठनात्मक मजबुती र जनसमर्थनका आधारमा यसपटकको निर्वाचनमा जीत सुनिश्चित रहेको दाबी समर्थकहरूको छ। रुख चिन्हमा मतदान गरेर चतुर बहादुर चन्दलाई विजयी गराउन मतदातालाई आग्रह गरिएको छ।
