नेपाली कांग्रेस नेतृ लक्ष्मी गुरुङले पार्टीको दोस्रो ऐतिहासिक विशेष महाधिवेशनलाई भव्य र सफल बनाउने दृढ संकल्प व्यक्त गर्नुभएको छ।
सामाजिक सञ्जालमार्फत सन्देश जारी गर्दै नेतृ गुरुङले पार्टीका सम्पूर्ण नेता–कार्यकर्ता, शुभेच्छुक तथा लोकतन्त्रप्रेमी नागरिकहरूलाई महाधिवेशन सफल पार्न एकजुट भएर लाग्न आग्रह गर्नुभएको हो। उहाँले नेपाली कांग्रेसको यो विशेष महाधिवेशनले पार्टीलाई थप सुदृढ, लोकतान्त्रिक र जनमुखी बनाउने विश्वास व्यक्त गर्नुभयो।
नेतृ गुरुङले पार्टीको इतिहास, त्याग र संघर्षलाई स्मरण गर्दै वर्तमान राजनीतिक परिस्थितिमा कांग्रेसको भूमिका अझ जिम्मेवार र प्रभावकारी हुनुपर्ने उल्लेख गर्नुभयो। उहाँका अनुसार विशेष महाधिवेशनले संगठनात्मक मजबुती, आन्तरिक एकता र भावी राजनीतिक दिशानिर्देशनमा महत्वपूर्ण योगदान पुर्याउनेछ।
अन्त्यमा उहाँले सबैलाई उत्साहका साथ सहभागिता जनाउन आह्वान गर्दै भन्नुभयो,“नेपाली कांग्रेसको दोस्रो ऐतिहासिक विशेष महाधिवेशन भव्यताका साथ सफल पारौं। जय नेपाल!”
