मातृभूमिको विपत्तिमा युवराज न्यौपानेको नेतृत्वदायी पहल
मकाउबाट नेपालका बाढीपहिरो पीडितका लागि सहयोग जुटाउँदै युवा नेतृत्वको उदाहरण प्रस्तुत
मकाउ । नेपालमा आएको विनाशकारी बाढी तथा पहिरोबाट ठूलो जनधनको क्षति भइरहेका बेला विदेशमा रहेका नेपालीहरूको मन फेरि एकपटक मातृभूमिप्रति एकताबद्ध भएको छ। यही मानवीय भावनालाई व्यवहारमा उतार्दै नेपाली समाज मकाउ (NSAM) का प्रमुख कार्यकारी संयोजक तथा एनआरएनए मकाउका अध्यक्ष युवराज न्यौपानेले राहत तथा सहयोग अभियानमा सक्रिय नेतृत्वदायी भूमिका निर्वाह गरेका छन्।
सफल युवा व्यवसायीका रूपमा मकाउमा आफ्नो पहिचान बनाउन सफल न्यौपाने पछिल्लो समय समाजसेवा, नेपाली समुदायको हित र मातृभूमिप्रतिको जिम्मेवारीमा समेत उत्तिकै सक्रिय देखिएका छन्। विपत्तिको समयमा व्यक्तिगत स्वार्थभन्दा माथि उठेर समुदायलाई एकजुट बनाउँदै सहयोग अभियान अघि बढाउनु उनको सामाजिक उत्तरदायित्वप्रतिको प्रतिबद्धताको उदाहरण बनेको छ।
नेपालमा बाढीपहिरोबाट ठूलो मानवीय क्षति भएको अवस्थामा मकाउ रेडक्रसले नेपालसहित प्रभावित क्षेत्रका लागि ८० लाखभन्दा बढी मकाउ पटाका रकम संकलन गरेको छ। उक्त राहत अभियानमा Macao Civil Servant Association (ATFPM) र Nepali Social Association of Macau (NSAM) ले संयुक्त रूपमा समुदायसमक्ष सहयोगका लागि आह्वान गरेका थिए।
अभियानलाई सफल बनाउन मकाउमा रहेका नेपाली तथा स्थानीय समुदाय, विभिन्न संघसंस्था, दाताहरू र स्वयंसेवकहरूको महत्वपूर्ण योगदान रहेको छ। यस क्रममा मकाउ रेडक्रसका अध्यक्ष तथा उपनिर्देशकबाट समेत नेपाली बाढीपहिरो पीडितका लागि सहयोग संकलन तथा समन्वयमा सहजीकरण गरिएको थियो।
युवराज न्यौपानेले अभियानमा प्रत्यक्ष तथा अप्रत्यक्ष रूपमा खटिने सम्पूर्ण स्वयंसेवक, संघसंस्था, दाता, मकाउ रेडक्रस तथा सहयोगी सम्पूर्ण व्यक्तित्वप्रति हार्दिक आभार व्यक्त गरेका छन्।
एनआरएनए मकाउको नेतृत्वसँगै नेपाली समाज मकाउको जिम्मेवारी सम्हालिरहेका न्यौपानेले व्यवसायसँगै सामाजिक उत्तरदायित्वलाई आफ्नो प्राथमिकतामा राख्दै आएका छन्। विदेशमा रहेर पनि नेपाली समुदायको सुख–दुःखमा साथ दिने, मातृभूमिमा आइपर्ने विपत्तिमा सहयोग जुटाउने र नेपालीहरूको हकहितका विषयमा आवाज उठाउने उनको सक्रियतालाई मकाउस्थित नेपाली समुदायले सकारात्मक रूपमा लिएको छ।
नेपाली समाज मकाउले लामो समयदेखि मकाउमा रहेका नेपालीहरूको हकहित संरक्षण, समुदायलाई संगठित गर्ने तथा मकाउ SAR सरकारका कानुन तथा नियमको पालना गर्न–गराउन सहयोग गर्दै आएको छ। विपत्तिका समयमा मातृभूमिका लागि अन्तर्राष्ट्रिय संघसंस्था तथा दाताहरूसँग समन्वय गरी सहयोग जुटाउने कार्यमा समेत संस्था निरन्तर सक्रिय रहँदै आएको छ।
युवराज न्यौपानेको नेतृत्वमा अघि बढेको यो मानवीय अभियानले विदेशमा बसेर पनि मातृभूमिको पीडामा नेपाली मन कति नजिक हुन्छ भन्ने भावनालाई पुनः प्रमाणित गरेको छ। सफल व्यवसायीका रूपमा स्थापित हुँदै सामाजिक सेवामा समेत आफ्नो छुट्टै पहिचान बनाउँदै आएका न्यौपाने पछिल्लो पुस्ताका लागि व्यवसाय, नेतृत्व र समाजसेवालाई एकसाथ अघि बढाउन सकिने प्रेरणादायी उदाहरण बनेका छन्।
मातृभूमिको दुःखमा साथ दिने यस्तो मानवीय पहलका लागि युवराज न्यौपाने तथा नेपाली समाज मकाउप्रति हार्दिक सम्मान र आभार।
युवराज न्यौपाने
प्रमुख कार्यकारी संयोजक, नेपाली समाज मकाउ
अध्यक्ष, एनआरएनए मकाउ
