🚨 ब्रेकिङ न्यूज 🚨 गृहमन्त्री सुदन गुरुङले दिए राजीनामा, नैतिकताको उदाहरण प्रस्तुत

🚨 ब्रेकिङ न्यूज 🚨

गृहमन्त्री सुदन गुरुङले दिए राजीनामा, नैतिकताको उदाहरण प्रस्तुत

काठमाडौं — नेपालका गृहमन्त्री Sudan Gurung ले पदबाट राजीनामा दिएका छन्। उनले आजैदेखि लागू हुने गरी आफ्नो जिम्मेवारीबाट अलग हुने घोषणा गरेका हुन्।

गुरुङले सार्वजनिक गरेको आफ्नो वक्तव्यमा पछिल्ला दिनहरूमा आफ्नो शेयर लगायतका विषयमा उठेका प्रश्न र जनचासोलाई गम्भीर रूपमा लिएको उल्लेख गरेका छन्। उनले पदभन्दा ठूलो नैतिकता र जनविश्वास भएको भन्दै निष्पक्ष छानबिनका लागि मार्ग प्रशस्त गर्न आफूले राजीनामा दिएको बताएका छन्।

उनले आफ्नो स्टाटसमार्फत भनेका छन्:

“म, सुदन गुरुङ, मिति २०८२ चैत १३ गतेदेखि गृह मन्त्रीको जिम्मेवारीमा इमानदारीपूर्वक काम गर्दै आएको छु। पछिल्ला दिनहरूमा नागरिक स्तरबाट मेरो शेयर लगायतका विषयमा उठेका प्रश्न, टिप्पणी र जनचासोलाई मैले गम्भीर रूपमा लिएको छु।

मेरो लागि पदभन्दा ठूलो कुरा नैतिकता हो, र जनविश्वासभन्दा ठूलो शक्ति कुनै हुँदैन।

त्यसैले, मसँग सम्बन्धित विषयमा निष्पक्ष छानबिन होस् र पदमा रहँदा conflict of interest नदेखियोस् भन्ने उद्देश्यले मैले आजकै मितिदेखि लागू हुने गरी गृह मन्त्री पदबाट राजीनामा दिएको छु।”

गुरुङले देशमा सुशासन, पारदर्शिता र जवाफदेहिताको माग गर्दै उठिरहेको युवा पुस्ताको आवाजलाई सम्मान गर्दै आफूले नैतिक जिम्मेवारी पूरा गरेको पनि बताएका छन्।

यस राजीनामाले वर्तमान सरकारभित्र नयाँ राजनीतिक बहस सुरु हुने देखिएको छ भने अब गृहमन्त्रालयको नेतृत्व कसले सम्हाल्ने भन्ने विषयमा चासो बढेको छ।