विपद्मा समाजसेवी शिव बन्जराको साथ : प्रधानमन्त्री राहत कोषमा २० हजार ५ सय सहयोग
काठमाडौं । रसुवा, नुवाकोटलगायतका क्षेत्रमा हालै आएको विनाशकारी बाढीबाट प्रभावित नागरिकको राहत तथा पुनर्स्थापनाका लागि Universal Thought Consult (UTC) का सीईओ एवं वरिष्ठ समाजसेवी शिव बन्जराले २० हजार ५ सय रुपैयाँ सहयोग गर्नुभएको छ।
बाढी तथा पहिरोका कारण ठूलो जनधनको क्षति भएको र सयौँ परिवार प्रभावित बनेका बेला पीडित नागरिकको राहतमा सहयोग पुर्याउने उद्देश्यले बन्जराले उक्त रकम प्रधानमन्त्री दैवी प्रकोप उद्धार कोषमा योगदान गर्नुभएको हो।
विपद्को यस कठिन घडीमा पीडित परिवारको पीडामा साथ दिन तथा राहत अभियानलाई थप प्रभावकारी बनाउन व्यक्तिगत रूपमा गरिएको यो सहयोगले मानवीय संवेदना, सामाजिक उत्तरदायित्व र सहयोगी भावनाको सकारात्मक सन्देश दिएको छ।
रसुवा, नुवाकोटलगायत बाढी प्रभावित क्षेत्रमा उद्धारसँगै खाद्यान्न, आवास, स्वास्थ्य सेवा तथा पुनर्स्थापनाका लागि ठूलो स्रोतको आवश्यकता रहेको अवस्थामा विभिन्न व्यक्ति, व्यवसायी तथा संघ–संस्थाले सहयोगको हात बढाइरहेका छन्।
यही मानवीय अभियानमा जोडिँदै समाजसेवी शिव बन्जराले गरेको २० हजार ५ सय रुपैयाँको योगदान रकमका हिसाबले सानो देखिए पनि विपद्मा परेका नागरिकप्रतिको ठूलो मानवीय साथ र सद्भावको प्रतीक बनेको छ।
बन्जराको यस सहयोगले अन्य व्यक्ति तथा सामाजिक संघ–संस्थालाई समेत विपद्मा परेका परिवारको उद्धार, राहत र पुनर्स्थापनामा आ–आफ्नो क्षमताअनुसार योगदान गर्न प्रेरणा मिल्ने अपेक्षा गरिएको छ।
विपद्को घडीमा पीडितको साथमा उभिनु नै सबैभन्दा ठूलो मानवता हो।
