वैतडी। राष्ट्रियता, लोकतन्त्र र समाजवादको मूल मन्त्र बोकेर “अबको नेपाल” निर्माणको स्पष्ट दृष्टिकोणसहित वैतडी–१ मा चुनावी माहोल तातेको छ। प्रतिनिधि सभा सदस्यका उम्मेदवार चतुर बहादुर चन्दको पक्षमा गाउँ–गाउँमा उत्साहजनक जनलहर देखिएको छ।
सम्मानित भएर बाँच्न पाउने नेपाल, सपना देख्न सक्ने नेपाल, सम्पत्ति र रोजगारी सृजनालाई प्रोत्साहन गर्ने नेपाल, पेट भरी खुवाउने र देशलाई चिनाउने किसानको नेपाल—यस्ता दस बुँदे स्पष्ट एजेन्डासहित चन्द मतदातामाझ पुगेका छन्। औषधि र उपचार सहज हुने, छोराछोरी पढाउँदा आर्थिक भार नपर्ने, बेथिति र हैरानीमुक्त विधिको शासन स्थापित गर्ने, मौलिकतामा गर्व गर्ने आधुनिक नेपाल निर्माण गर्ने र विश्वले सम्मान गर्ने स्वाभिमानी राष्ट्र बनाउने उनको दृष्टिकोणलाई स्थानीयले खुलेर समर्थन गरिरहेका छन्।
नेपाली कांग्रेसका भीजनरी युवा नेताका रूपमा परिचित चन्द क्यान (CAN) का अध्यक्षसमेत रहेका छन्, जसका कारण सूचना–प्रविधि, नवप्रवर्तन र डिजिटल विकासका मुद्दामा उनको स्पष्ट पकड देखिन्छ। स्थानीय विश्लेषकहरूका अनुसार, राष्ट्रिय राजनीतिमा मात्र होइन, अन्तर्राष्ट्रिय पहुँच र सम्बन्ध विस्तारमा पनि उनको सक्रियता वैतडीका लागि अवसर बन्ने विश्वास बढ्दो छ।
घरदैलो, कोणसभा र अन्तरक्रिया कार्यक्रममा युवादेखि अग्रजसम्मको बाक्लो उपस्थितिले ‘रुख’ चिन्हप्रति आकर्षण तीव्र बनेको छ। मतदाताहरूको भनाइमा, “विकासको स्पष्ट रोडम्याप, इमानदार नेतृत्व र अन्तर्राष्ट्रिय अनुभव भएका नेता वैतडी–१ ले पाएको छ।”
फागुन २१ गते ‘रुख’ चिन्हमा छाप लगाई अत्यधिक बहुमतसहित विजयी गराउने प्रतिबद्धता समर्थकहरूले सार्वजनिक रूपमा व्यक्त गरिरहेका छन्। वैतडी–१ मा यसपटक परिवर्तन, स्थिरता र समृद्धिको सन्देश एकसाथ जोडिँदै गएको देखिन्छ।
वैतडी बोलिरहेको छ—
अबको नेपाल निर्माणका लागि सक्षम, दूरदर्शी र कर्मठ नेतृत्वको साथमा अगाडि बढ्न।
