कैलाली – नेपाल कम्युनिष्ट पार्टीका नेता तथा कैलाली–५ का प्रतिनिधिसभा सदस्य उम्मेदवार प्रेमबहादुर आलेले आफू अनुभवी र परीक्षण भइसकेको नेतृत्व भएको दाबी गरेका छन्।
एक चुनावी कार्यक्रममा बोल्दै आलेले भने, “कुनै पार्टीको पनि हामीसित कुनै प्रतिस्पर्धा छैन, किनभने म बेटर टेस्टेड मान्छे हुँ।” उनले आफ्नो विगतको कार्यअनुभव, जनतासँगको निरन्तर सम्पर्क र विकासका एजेन्डालाई आधार बनाउँदै आफूलाई योग्य उम्मेदवारका रूपमा प्रस्तुत गरे।
आलेले कैलाली–५ मा पूर्वाधार विकास, रोजगारी सिर्जना र सुशासनलाई प्राथमिकता दिने प्रतिबद्धता व्यक्त गरे। उनले मतदातालाई भावनामा नभई कामको मूल्यांकनका आधारमा निर्णय गर्न आग्रह गर्दै आफ्नो पक्षमा समर्थन मागे।
चुनावी माहोल तातिँदै जाँदा कैलाली–५ मा विभिन्न दलका उम्मेदवारहरू सक्रिय घरदैलो र सभामा व्यस्त छन्। आलेको यो अभिव्यक्तिले क्षेत्रको राजनीतिक प्रतिस्पर्धालाई थप चासोको विषय बनाएको छ।
