काठमाडौँ — सुवास लामिछाने, Non-Resident Nepali Association (एनआरएनए) एनसीसी जापानका अध्यक्षले आगामी मार्च २७ तारिख Nepal Airlines मार्फत जापान फर्किने क्रममा आवश्यक सहयोग गर्न इच्छुक रहेको जनाएका छन्।
सामाजिक सञ्जालमार्फत सार्वजनिक गरिएको स्टाटसमा अध्यक्ष लामिछानेले जापान पुर्याउनुपर्ने महत्वपूर्ण कागजात वा औषधि भएमा आफूलाई सम्पर्क गर्न आग्रह गरेका छन्। साथै, पहिलो पटक जापान जाँदै गरेका बाबुआमा वा बालबालिकालाई सहजीकरण आवश्यक परेमा समेत सहयोग गर्ने प्रतिबद्धता व्यक्त गरेका छन्।
उनले आफूबाट सकेसम्म सहयोग गर्ने उल्लेख गर्दै यस्ता आवश्यक र संवेदनशील कार्यमा सहकार्य गर्न सबैलाई अनुरोध गरेका छन्।
तर, उनले लत्ताकपडा, गहना, मिठाई वा मसलाजन्य सामग्री पठाउने विषयमा भने सम्पर्क नगर्न स्पष्ट रूपमा अनुरोध गरेका छन्।
अध्यक्ष लामिछानेको यस पहललाई जापान जाने नेपाली समुदायका लागि उपयोगी र सकारात्मक कदमको रूपमा हेरिएको छ।
