१५ वर्षीय युवा स्टार Vaibhav Sooryavanshi ले IPL 2026 को क्वालिफायर–२ मा गुजरात टाइटन्स (GT) विरुद्ध विस्फोटक ब्याटिङ गर्दै ४६ बलमा ९६ रनको शानदार इनिङ खेलेका छन्। तर शतकबाट मात्र ४ रन टाढा रहँदै आउट भएपछि समर्थकहरू भावुक बनेका छन्।
राजस्थान रोयल्सका लागि संकटपूर्ण अवस्थामा मैदान उत्रिएका वैभवले संयमित र आक्रामक ब्याटिङको उत्कृष्ट मिश्रण प्रस्तुत गरे। उनले चौका–छक्काको वर्षा गर्दै GT का बलरहरूलाई दबाबमा राखेका थिए। यो इनिङ उनको IPL करिअरकै अर्को सम्झनलायक प्रदर्शन बनेको छ।
वैभवले यस सिजन लगातार ऐतिहासिक प्रदर्शन गर्दै आएका छन्। GT विरुद्धको यो इनिङसँगै उनले IPL मा नयाँ कीर्तिमानसमेत बनाएका छन्।
शतक पूरा गर्न नसके पनि वैभवको ९६ रनको इनिङले क्रिकेट समर्थकहरूको मन जितेको छ। सामाजिक सञ्जालमा अहिले उनको साहसिक खेलको व्यापक प्रशंसा भइरहेको छ।
29 May 2026
