काठमाडौं । काठमाडौं निर्वाचन क्षेत्र नम्बर २ मा उम्मेदवार मणिराम फुयाँल को पक्षमा मतदान गर्न समर्थकहरूले सार्वजनिक अपिल गरेका छन्। सूर्य चुनाव चिन्हमार्फत मैदानमा रहेका फुयाँललाई अत्यधिक मतसहित विजयी गराउन मतदातासमक्ष अनुरोध गरिएको हो।
समर्थकहरूले जारी गरेको सन्देशमा काठमाडौं–२ का सम्पूर्ण मतदातालाई आफ्नो अमूल्य मत सूर्य चिन्हमा दिई मणिराम फुयाँललाई जिताउन आग्रह गरिएको छ। विकास, स्थिरता र स्पष्ट एजेन्डासहित अघि बढेको उनको अभियानलाई मतदाताले सकारात्मक रूपमा लिएको दाबी गरिएको छ।
घरदैलो कार्यक्रम, भेटघाट र चुनावी सभाहरूलाई तीव्र बनाउँदै फुयाँलको टोलीले मतदातासँग प्रत्यक्ष संवाद बढाएको बताइएको छ। समर्थकहरूका अनुसार काठमाडौं–२ मा यसपटक प्रतिस्पर्धा रोचक रहे पनि सूर्य चिन्हप्रति आकर्षण बढ्दो क्रममा छ।
निर्वाचन नजिकिँदै जाँदा काठमाडौं–२ मा राजनीतिक सरगर्मी बढेको छ। यसबीच समर्थकहरूले मणिराम फुयाँललाई विजय गराउन मतदातालाई एकजुट हुन आग्रह गरेका छन्।
