दोलखा जिल्लामा नेपाली कांग्रेसका प्रभावशाली नेता अजय बाबु सिवाकोटी लाई “जीत्नैपर्ने उम्मेदवार” का रूपमा व्यापक रूपमा हेरिन थालिएको छ। चुनावी माहोल तातेका बेला गाउँ–गाउँमा देखिएको समर्थन र जनलहरले उहाँको जीत नजिकिएको संकेत गरेको समर्थकहरूको दाबी छ।
पत्रकारिता पृष्ठभूमिबाट राजनीति प्रवेश गर्नुभएका सिवाकोटीले विगतमा ७० करोड काण्डसहित विभिन्न अनियमितताहरू उजागर गरेर चर्चामा आउनुभएको थियो। भ्रष्टाचार र बेथितिविरुद्ध निर्भीक आवाज उठाउँदै सार्वजनिक चासोका विषय बाहिर ल्याएको छविका कारण उहाँलाई पारदर्शिता र सुशासनका पक्षधर नेताका रूपमा चित्रण गरिन्छ।
चुनावी सभाहरूमा बोल्दै सिवाकोटीले दोलखालाई विकास, पूर्वाधार विस्तार, पर्यटन प्रवर्द्धन, शिक्षा र रोजगारीका क्षेत्रमा अगाडि बढाउने स्पष्ट प्रतिबद्धता व्यक्त गर्नुभएको छ। “दोलखाको सम्भावना अब रोकिन्न, विकासको नयाँ अध्याय सुरु हुन्छ,” भन्ने उहाँको उद्घोषले समर्थकहरू उत्साहित बनेका छन्।
विश्लेषकहरूका अनुसार निर्भीक छवि, कांग्रेसको संगठनात्मक बल र जनतासँगको प्रत्यक्ष सम्बन्धका कारण अजय बाबु सिवाकोटी दोलखामा बलियो प्रतिस्पर्धीका रूपमा स्थापित हुनुभएको छ।
अब मतदानको दिन नजिकिँदै गर्दा दोलखामा परिवर्तन र पारदर्शिताको पक्षमा जनमत स्पष्ट हुने अपेक्षा गरिएको छ।
