गृहमन्त्री गुरुङको राजीनामा स्वागत, जेनजी आन्दोलनद्वारा संयुक्त सरकारको माग
काठमाडौं ।
गृहमन्त्री सुधन गुरुङ को राजीनामापछि देशको राजनीतिक वातावरण थप तातिएको छ। यसैबीच जेनजी (Gen Z) आन्दोलनका अगुवा मिराज ढुङ्गाना ले गुरुङको राजीनामालाई स्वागत गर्दै संयुक्त सरकार गठनको माग गरेका छन्।
ढुङ्गानाले जारी गरेको वक्तव्यमा वर्तमान परिस्थितिमा एकल नेतृत्वले देशका जटिल समस्या समाधान गर्न कठिन हुने उल्लेख गर्दै सबै राजनीतिक दलहरू मिलेर राष्ट्रिय सहमतिको आधारमा संयुक्त सरकार गठन गर्नु आवश्यक रहेको बताएका छन्। उनले युवाहरूको अपेक्षा अनुरूप पारदर्शी, उत्तरदायी र परिणाममुखी शासन प्रणालीको आवश्यकता औंल्याएका छन्।
उनका अनुसार, पछिल्ला घटनाक्रमहरूले राजनीतिक अस्थिरता बढाएको भन्दै त्यसलाई न्यूनिकरण गर्न साझा धारणा र सहकार्य अपरिहार्य भएको बताएका छन्। साथै, नागरिकको विश्वास जित्नका लागि सरकारमा व्यापक सुधार र समावेशी निर्णय प्रक्रियाको खाँचो रहेको उनले जोड दिएका छन्।
जेनजी आन्दोलनले पछिल्लो समय सुशासन, जवाफदेहिता र युवा सहभागिताका मुद्दामा निरन्तर आवाज उठाउँदै आएको छ। ढुङ्गानाले अबको नेतृत्वले जनताको भावना बुझेर ठोस कदम चाल्नुपर्ने बताएका छन्।
