काठमाडौँ – गैरआवासीय नेपाली संघ (Non-Resident Nepali Association – NRNA) को आगामी नेतृत्व चयनका लागि चुनावी माहोल तात्दै गएको छ। संघको अध्यक्ष पदका प्रत्याशी Dr. Hemraj Sharma अहिले काठमाडौँमा सक्रिय भएका छन्।
आगामी नेतृत्वका लागि विभिन्न उम्मेदवारहरूले तयारी तीव्र बनाइरहेका बेला डा. शर्मा काठमाडौँ आएर आफ्ना समर्थक, एनआरएनए अभियन्ता तथा सरोकारवालासँग भेटघाटमा जुटेका छन्। उनले संघलाई थप सशक्त, पारदर्शी र प्रभावकारी बनाउने लक्ष्यसहित अध्यक्ष पदमा उम्मेदवारी दिएको बताएका छन्।
काठमाडौँमा रहँदा उनले विभिन्न कार्यक्रम तथा छलफलमार्फत आफ्नो दृष्टिकोण सार्वजनिक गर्ने र विदेशमा रहेका नेपालीहरूको हकहितलाई अझ मजबुत रूपमा उठाउने प्रतिबद्धता व्यक्त गरेका छन्।
एनआरएनएभित्र नेतृत्व चयनलाई लिएर विश्वभर रहेका नेपाली समुदायमा पनि चासो बढ्दै गएको छ। अध्यक्ष पदका प्रत्याशीहरूबीच भेटघाट, छलफल र अभियान तीव्र बन्दै गएको बताइएको छ।
