सरकारले मन्त्रीहरूलाई छुट्टै फोन उपलब्ध गराउने भन्ने चर्चा पूर्ण रूपमा निराधार रहेको स्पष्ट पारेको छ।
प्रधानमन्त्री बालेन्द्र शाह निकट स्रोतका अनुसार प्रधानमन्त्री र मन्त्रीहरूबीच समन्वयका लागि कुनै विशेष फोन सेट वा अलग नम्बर आवश्यक छैन। प्रधानमन्त्रीका राजनीतिक सल्लाहकार असीम शाहले यस्तो दाबी भ्रामक रहेको बताएका छन्। उनका अनुसार कार्यालय समयमा सिंहदरबारमै प्रत्यक्ष छलफल गरेर आवश्यक समन्वय भइरहेको छ।
सरकारका प्रवक्ता तथा शिक्षामन्त्री सस्मित पोखरेल ले पनि ‘गोप्य’ सञ्चार च्यानल बनाउने कुनै निर्णय नभएको स्पष्ट पारे। परराष्ट्रमन्त्री शिशिर खनाल ले मन्त्रीहरूलाई अतिरिक्त फोन र सिम वितरण गरिएको सूचना अफवाह मात्र भएको बताए।
त्यसैगरी, सञ्चारमन्त्री विक्रम तिमिल्सिना ले मन्त्रीहरूले आफ्नै व्यक्तिगत फोन प्रयोग गरिरहेको जानकारी दिए। ऊर्जा मन्त्री विराजभक्त श्रेष्ठ र मन्त्री प्रतिभा रावल ले पनि छुट्टै फोन उपलब्ध गराउने विषयमा कुनै निर्णय नभएको बताएका छन्।
समग्रमा, सरकारका उच्च अधिकारीहरूले मन्त्रीहरूका लागि अलग फोन र नम्बर वितरण गर्ने हल्ला आधारहीन र भ्रामक रहेको स्पष्ट गरेका छन्।
