काठमाडौं। गैरआवासीय नेपाली संघ (Non-Resident Nepali Association – NRNA) अन्तर्राष्ट्रिय समन्वय परिषद् (ICC) मा पछिल्लो समय युवा नेतृत्वको रूपमा ओमन गौचन (ह्यान्सन) उदाउँदै गरेका छन्। संगठनभित्र सक्रियता, स्पष्ट दृष्टिकोण र युवाहरूलाई एकताबद्ध गर्ने क्षमताका कारण उनलाई प्रभावशाली नेताका रूपमा हेरिन थालेको छ।
विदेशमा बसेर पनि नेपाली समुदाय, सामाजिक कार्य तथा संगठन सुदृढीकरणमा निरन्तर सक्रिय रहेका गौचनले एनआरएनएलाई अझ सशक्त, पारदर्शी र प्रभावकारी संस्थाका रूपमा अघि बढाउने लक्ष्य लिएका छन्। विशेषगरी युवा सशक्तीकरण, नेतृत्व विकास र प्रवासी नेपालीहरूको हकहितका विषयमा उनले निरन्तर आवाज उठाउँदै आएका छन्।
एनआरएनएभित्र नयाँ पुस्तालाई नेतृत्वमा ल्याउनुपर्ने आवश्यकता औंल्याउँदै गौचनले संगठनलाई एकताबद्ध बनाउँदै विश्वभर रहेका नेपालीहरूलाई जोड्ने अभियानमा काम गर्ने प्रतिबद्धता व्यक्त गरेका छन्।
संगठनका विभिन्न गतिविधिमा सक्रिय सहभागिता र स्पष्ट कार्ययोजनाका कारण उनलाई आगामी नेतृत्वका लागि बलियो र सम्भावनायुक्त व्यक्तित्वका रूपमा हेरिएको छ। धेरै प्रवासी नेपालीहरूले पनि उनलाई ऊर्जावान, सक्रिय र दूरदर्शी युवा नेताका रूपमा समर्थन जनाइरहेका छन्।
एनआरएनएभित्र बढ्दो सक्रियतासँगै ओमन गौचन (ह्यान्सन) आगामी दिनमा संस्थाको महत्वपूर्ण नेतृत्वमा पुग्ने सम्भावना रहेको विश्लेषकहरू बताउँछन्।
