युरोप सम्मेलनपछि रोजिना, अनुजा र टिका ग्वाङ्झाउतर्फ, ११औँ एसिया–प्यासिफिक सम्मेलनमा सहभागी हुने
काठमाडौं । गैरआवासीय नेपाली संघ (एनआरएनए) का तीन जना महिला नेतृत्व युरोप क्षेत्रीय सम्मेलनपछि चीनको ग्वाङ्झाउमा आयोजना हुन लागेको ११औँ एनआरएनए एसिया–प्यासिफिक क्षेत्रीय सम्मेलन २०२६ मा सहभागी हुन चीनतर्फ प्रस्थान गरेका छन्।
एनआरएनए आईसीसीकी उपाध्यक्ष रोजिना प्रधान राई, आईसीसीकी उपमहासचिव अनुजा प्रधान तथा आईसीसीकी महिला उपाध्यक्ष एवं पूर्व सचिव टिका गुरुङ राधिका सम्मेलनमा सहभागी हुन हङकङ हुँदै ग्वाङ्झाउतर्फ लागेका हुन्।
महिला उपाध्यक्ष तथा पूर्व सचिव टिका गुरुङ राधिकाले सामाजिक सञ्जालमार्फत युरोप सम्मेलन सम्पन्न भएपछि आफूहरू अगस्ट १५–१६ मा चीनको ग्वाङ्झाउमा हुने ११औँ एसिया–प्यासिफिक क्षेत्रीय सम्मेलनका लागि हङकङतर्फ प्रस्थान गरेको जानकारी दिएकी छन्।
एनआरएनए एसिया–प्यासिफिक क्षेत्रीय सम्मेलन ‘Rising Together, Leading Forward’ भन्ने नाराका साथ अगस्ट १५ र १६ मा चीनको ग्वाङ्झाउस्थित Crowne Plaza Guangzhou City Centre मा हुँदैछ। सम्मेलनमा एसिया–प्यासिफिक क्षेत्रमा रहेका नेपाली समुदायका विविध विषय, गैरआवासीय नेपालीका सरोकार, संस्थागत एकता, लगानी तथा नेपालसँगको सम्बन्धलाई थप प्रभावकारी बनाउने विषयमा छलफल हुने अपेक्षा गरिएको छ।
युरोप क्षेत्रीय सम्मेलनमा सहभागिता जनाएलगत्तै एसिया–प्यासिफिक सम्मेलनमा पनि एनआरएनएका महिला नेतृत्वको सक्रिय सहभागितालाई महत्वपूर्ण रूपमा हेरिएको छ। सम्मेलनले विश्वभर रहेका नेपाली समुदायबीच सहकार्य, अनुभव आदानप्रदान र साझा उद्देश्यका लागि थप सम्बन्ध विस्तार गर्ने अवसर प्रदान गर्ने विश्वास गरिएको छ।
अगस्ट १५–१६, ग्वाङ्झाउ, चीन — एनआरएनएको एसिया–प्यासिफिक सम्मेलनमा विश्वभरका नेपालीको सहभागिता र साझा प्रतिबद्धता।
