काठमाडौं — सामाजिक व्यक्तित्व Nabin Karki ले ऊर्जा, जलस्रोत तथा सिँचाइ मन्त्री Biraj Bhakta Shrestha र परराष्ट्र मन्त्री Shisir Khanal सँग भेटघाट गर्दै नेपाल–यूएई विकास अनुभव, लगानी विस्तार तथा प्रवासी नेपालीका मुद्दाबारे महत्वपूर्ण छलफल गरेका छन्।
यूएईमा लामो समयदेखि बसोबास तथा कार्यरत नेपालीहरूको अनुभवका आधारमा त्यहाँको विकासको गति र नेपालमा त्यसको अभावबारे गहन बहस गरिएको थियो। उक्त छलफलमा नेपालमा दिगो विकास हासिल गर्न नीतिगत सुधार, पूर्वाधार निर्माण तथा लगानीमैत्री वातावरण आवश्यक रहेकोमा जोड दिइएको छ।
भेटमा ऊर्जा क्षेत्रमा लगानी विस्तार, जलविद्युत विकास, यूएईमा रहेका नेपालीहरूको हित संरक्षण, रोजगारीका अवसर वृद्धि तथा नेपाल–यूएईबीच आर्थिक र कूटनीतिक सम्बन्ध मजबुत बनाउने विषयमा विशेष ध्यान केन्द्रित गरिएको थियो।
साथै, यूएईमा रहेका नेपालीहरूले भोगिरहेका विभिन्न समस्या मन्त्रीज्यूसमक्ष राख्दै तिनको समाधानका उपायबारे पनि विस्तृत छलफल भएको जनाइएको छ।
छलफलका क्रममा देशको समृद्धि केवल सरकारको प्रयासले मात्र सम्भव नहुने उल्लेख गर्दै सबै नागरिकको एकता, जिम्मेवारी र सक्रिय सहभागिता आवश्यक पर्नेमा जोड दिइएको छ। भ्रष्टाचार अन्त्य गरी राष्ट्रलाई समृद्धिको दिशामा अघि बढाउन सामूहिक प्रतिबद्धता अपरिहार्य रहेको धारणा समेत व्यक्त गरिएको छ।
नेपाल सरकारसँग सहकार्य गर्दै विकास र समृद्धिको लक्ष्य हासिल गर्न थप प्रभावकारी पहल आवश्यक रहेकोमा सहभागीहरूले जोड दिएका छन्।
