नेत्र पाण्डेद्वारा एनआरएनए आईसीसी क्षेत्रीय उपसंयोजकमा उम्मेदवारी दर्ता
गैरआवासीय नेपाली संघ (एनआरएनए) अन्तर्राष्ट्रिय समन्वय परिषद् (आईसीसी) अन्तर्गत क्षेत्रीय उपसंयोजक पदका लागि नेत्र पाण्डेले उम्मेदवारी दर्ता गरेका छन्। प्रवासमा रहेका नेपाली समुदायको हक–हितको संरक्षण, संगठनलाई एकताबद्ध बनाउने र क्षेत्रीय स्तरमा एनआरएनए गतिविधिलाई थप प्रभावकारी बनाउने उद्देश्यसहित उनले आफ्नो उम्मेदवारी सार्वजनिक गरेका हुन्।
लामो समयदेखि प्रवासमा बसेर नेपाली समुदायका सामाजिक तथा संस्थागत गतिविधिमा सक्रिय भूमिका निभाउँदै आएका पाण्डेले प्रवासी नेपालीहरूबीच सहकार्य, समन्वय र एकता बढाउने प्रतिबद्धता व्यक्त गरेका छन्।
उनले क्षेत्रीय स्तरमा रहेका एनआरएनए अभियन्ताहरूलाई संगठित गर्दै नेपाली समुदायको आवाजलाई अन्तर्राष्ट्रिय स्तरमा मजबुत रूपमा उठाउने लक्ष्यसहित चुनावी मैदानमा उत्रिएको बताएका छन्।
आगामी एनआरएनए आईसीसी निर्वाचनलाई प्रवासी नेपाली समुदायले चासोका साथ हेरिरहेको बेला नेत्र पाण्डेको उम्मेदवारीले क्षेत्रीय नेतृत्वमा नयाँ उत्साह र सक्रियता थप्ने अपेक्षा गरिएको छ।
