क्यालिफोर्नियास्थित युवा व्यवसायी प्रिन्स युवराज कार्कीले रवि लामिछानेको नेतृत्व क्षमताको प्रशंसा
अमेरिकाको California मा बसोबास गर्दै आएका नेपाली मूलका युवा व्यवसायी Prince Yubaraj Karki ले राष्ट्रिय स्वतन्त्र पार्टीका सभापति Rabi Lamichhane को नेतृत्व, आत्मविश्वास र अभिव्यक्ति क्षमताको खुलेर प्रशंसा गरेका छन्।
सामाजिक सञ्जालमार्फत आफ्नो धारणा सार्वजनिक गर्दै कार्कीले वर्तमान नेपालको राजनीतिक परिवेशमा रवि लामिछानेलाई विश्वका जुनसुकै व्यक्तिसँग पनि आत्मविश्वासका साथ आफ्ना विचार राख्न सक्ने फरक व्यक्तित्वका रूपमा चित्रण गरेका छन्।
उनले नेपालमा धेरै नेता बोल्ने शैली, व्यवहार वा नेतृत्व क्षमताका कारण आलोचित भएको उल्लेख गर्दै रवि लामिछानेको विशेषता भने परिस्थिति, व्यक्ति र विषयअनुसार स्पष्ट, निर्भीक र प्रभावकारी ढंगले आफ्नो धारणा प्रस्तुत गर्न सक्ने क्षमता रहेको बताएका छन्।
कार्कीले साधारण नागरिकदेखि उच्च पदस्थ व्यक्तिसम्म, गाउँको चौतारोदेखि अन्तर्राष्ट्रिय मञ्चसम्म कहाँ, कहिले र कसरी बोल्ने भन्ने कला रवि लामिछानेमा रहेको उल्लेख गरेका छन्। सफलता हासिल गरेपछि पनि जनतासँगको सम्बन्ध कायम राख्नु उहाँको अर्को महत्वपूर्ण विशेषता भएको उनको भनाइ छ।
स्टाटसमा उनले नेतृत्व भनेको केवल पद नभई जनताको आवाज बन्ने साहस, चुनौतीका बीच आफ्नो अडानमा दृढ रहने आत्मविश्वास र परिवर्तनको सम्भावना बोकेको जिम्मेवारी भएको बताएका छन्। यही कारणले धेरै नेपालीहरूले रवि लामिछानेमा आशा, ऊर्जा र सकारात्मक परिवर्तनको सम्भावना देखिरहेको उनको विश्वास छ।
अन्त्यमा कार्कीले राम्रो काम र सकारात्मक नेतृत्वप्रति सम्मान गर्ने संस्कार विकास गर्नुपर्नेमा जोड दिँदै देश परिवर्तनको यात्रा केवल आलोचनाबाट नभई असल प्रयासलाई साथ र हौसला दिने सोचबाट अगाडि बढ्ने बताएका छन्।
