गैरआवासीय नेपाली संघ (एनआरएनए) अन्तर्राष्ट्रिय समन्वय परिषद् (आईसीसी) को महिला उपाध्यक्ष पदका लागि टिका गुरुङ–राधिकाले उम्मेदवारी दर्ता गरेकी छन्।
प्रवासमा रहेका नेपाली महिलाको नेतृत्व, सहभागिता र सशक्तीकरणलाई अझ बलियो बनाउने उद्देश्यसहित उनले आफ्नो उम्मेदवारी प्रस्तुत गरेकी हुन्। एनआरएनए अभियानलाई एकताबद्ध, पारदर्शी र प्रभावकारी बनाउँदै विश्वभरका नेपाली महिलाको आवाजलाई संस्थागत रूपमा अघि बढाउने आफ्नो प्रतिबद्धता उनले व्यक्त गरेकी छन्।
टिका गुरुङ–राधिका लामो समयदेखि प्रवासमा बसेर सामाजिक अभियान, महिला नेतृत्व विकास र नेपाली समुदायको हितमा सक्रिय रहँदै आएकी छन्। उनको उम्मेदवारीसँगै एनआरएनएभित्र महिला सहभागिता र नेतृत्व अझ सशक्त हुने अपेक्षा गरिएको छ।
उनको उम्मेदवारीप्रति विभिन्न देशमा रहेका नेपाली समुदाय र महिला अभियन्ताहरूबाट सकारात्मक प्रतिक्रिया आएको बताइएको छ।
