‘छ माया छपक्कै २’ हेरेपछि दर्शकको प्रतिक्रिया : पहिलो भागभन्दा उत्कृष्ट बनेको टिप्पणी
द टन न्युज ।
नेपाली चलचित्र ‘छ माया छपक्कै २’ हेरेपछि दर्शकले चलचित्रको कथावस्तु, कलाकारको अभिनय र निर्देशनको प्रशंसा गरेका छन्। चलचित्र हेरेपछि सामाजिक सञ्जालमार्फत आफ्नो प्रतिक्रिया सार्वजनिक गर्दै एक दर्शकले पहिलो भाग ‘छ माया छपक्कै’ जत्तिकै दमदार होला कि नहोला भन्ने जिज्ञासा रहे पनि दोस्रो भाग अझ उत्कृष्ट बनेको प्रतिक्रिया दिएका छन्।
चलचित्रका वरिष्ठ कलाकार दीपकराज गिरीको अभिनयको प्रशंसा गर्दै उनले गिरीलाई अब ‘विश्वविद्यालय’कै रूपमा चित्रण गरेका छन्। त्यसैगरी सनीषा भट्टराई र केकी अधिकारीको अभिनयलाई ‘बबाल’ भन्दै प्रशंसा गरेका छन्।
चलचित्रमा काम गरिसकेका मेक्सम गौडेलसँग व्यक्तिगत रूपमा काम गर्ने अवसर पाएकाले उनको अभिनय पर्दामा हेर्दा झनै आत्मीय महसुस भएको प्रतिक्रिया दिएका छन्। अभिनेता कर्माप्रति आफ्नो विशेष लगाव रहेको उल्लेख गर्दै समग्रमा चलचित्र निकै मनोरञ्जनात्मक बनेको बताएका छन्।
निर्देशक दीपेन्द्र लामाको निर्देशनको पनि प्रशंसा गर्दै दर्शकले चलचित्र परिवारसहित गएर हेर्न सुझाव दिएका छन्।
त्यस्तै, अभिनेत्री तथा कलाकार दीपाश्री निरौलाको प्रशंसा गर्दै उनले आफ्नो बयानले समेत उनको योगदान र क्षमताको पूर्ण वर्णन गर्न नसक्ने भाव व्यक्त गरेका छन्।
चलचित्रको पहिलो भागको सफलतापछि दोस्रो भागले दर्शकको अपेक्षालाई कत्तिको सम्बोधन गर्छ भन्ने जिज्ञासाबीच आएको यो सकारात्मक प्रतिक्रियाले चलचित्रप्रतिको दर्शकीय उत्सुकता र कलाकारप्रतिको सम्मान झल्काउँछ।
‘छ माया छपक्कै २’ को सम्पूर्ण टिमलाई सफलताको शुभकामना! ❤️
— द टन न्युज
