सर्लाही।“समग्र देश सहित मधेशको एउटै पुकार — अबकी बार बालेन सरकार 🔔🔔” भन्ने दमदार स्टाटस सार्वजनिक गर्दै सर्लाही–४ का उम्मेदवार तथा राष्ट्रिय स्वतन्त्र पार्टी (रास्वपा) का प्रभावशाली नेता डा. अमरेश कुमार सिंह पुनः चर्चामा आएका छन्।
उनको यो सन्देश सामाजिक सञ्जालमा व्यापक रूपमा शेयर हुँदै मधेशको राजनीतिक माहोल तताएको छ। समर्थकहरूले यसलाई परिवर्तन, सुशासन र नयाँ नेतृत्वप्रतिको स्पष्ट प्रतिबद्धताको रूपमा व्याख्या गरेका छन्।
मधेशमा बलियो पकड
स्थानीय स्तरमा डा. सिंहको पकड बलियो मानिन्छ। स्वास्थ्य, शिक्षा र जनजीविकासँग सम्बन्धित मुद्दामा निरन्तर आवाज उठाउँदै आएका उनी मधेशका सक्रिय र स्पष्टवक्ता नेताका रूपमा चिनिन्छन्। सर्लाही–४ मा उनको संगठनात्मक सञ्जाल र जनसम्पर्क अभियानले उत्साहजनक वातावरण सिर्जना गरेको बताइन्छ।
राजनीतिक विश्लेषकहरूका अनुसार “अबकी बार बालेन सरकार” भन्ने नारा केवल व्यक्ति केन्द्रित अभिव्यक्ति नभई वैकल्पिक राजनीतिप्रतिको समर्थनको संकेत पनि हो।
परिवर्तनको संकेत?
मधेशमा देखिएको सक्रियता र जनसमर्थनले सर्लाही–४ को चुनावी प्रतिस्पर्धालाई थप रोचक बनाएको छ। डा. अमरेश कुमार सिंहको स्पष्ट सन्देशले रास्वपाको अभियानलाई थप ऊर्जा दिएको समर्थकहरूको भनाइ छ।
