चितवन।नेपाली समसामयिक राजनीतिको यथार्थ चित्रण गर्दै निर्माण गरिएको चलचित्र बिगुल अहिले चर्चा र बहसको केन्द्र बनेको छ। राजनीतिक परिवर्तनको शङ्खघोष बोकेको यस चलचित्रको पटकथा तथा निर्माण नेपाली कांग्रेसका प्रभावशाली नेता, चितवनका हस्ती तथा पूर्व केन्द्रीय सदस्य दिनेश कोइराला ले गर्नुभएको हो।
समकालीन साथीहरूको समूहमा बसेर “बिगुल” हेर्दा प्राप्त भएको अनुभूति केवल मनोरञ्जनमा सीमित रहँदैन, बरु अहिलेको नेपाली राजनीतिमा देखा परेका नातावाद, कृपावाद, भ्रष्टाचार, कुशासन र निष्ठाको राजनीति गर्ने परिवारले भोग्नुपरेको पीडालाई अत्यन्त जीवन्त ढंगले प्रस्तुत गरेको अनुभव दर्शकहरूले व्यक्त गरेका छन्।
चलचित्रले समाज र राजनीतिक प्रणालीमा व्याप्त बेथिति र विसङ्गतिहरूलाई साहसपूर्वक उठाउँदै, अन्ततः युवाहरूको जागरण, सशक्तिकरण र कटिबद्धतामार्फत सुशासन स्थापना हुने सन्देश दिन्छ। न्यायको जित र सकारात्मक परिवर्तनको सम्भावनालाई स्थापित गर्ने कथा–वस्तुले यसलाई केवल चलचित्र नभई सामाजिक चेतनाको अभियान बनाएको छ।
एक योग्य व्यक्तित्वको सशक्त प्रयास
दिनेश कोइराला चितवनमा मात्र नभई राष्ट्रिय राजनीतिमा पनि एक योग्य, अध्ययनशील र प्रभावशाली नेताका रूपमा परिचित हुनुहुन्छ। राजनीतिक अनुभव र समकालीन मुद्दाहरूको गहिरो बुझाइलाई उहाँले “बिगुल” मार्फत सिर्जनात्मक अभिव्यक्तिमा परिणत गर्नुभएको छ।
सबैले एकपटक अवश्य हेरौं
“बिगुल” ले दिएको सन्देश स्पष्ट छ —
सुशासन सम्भव छ, यदि युवाहरू जागे र नेतृत्व इमानदार बन्यो भने।
त्यसैले, राजनीतिक सचेतना र सकारात्मक परिवर्तनको सन्देश बोकेको यस चलचित्रलाई सम्पूर्ण नागरिक, विशेषगरी युवाहरूले एकपटक अवश्य हेर्नु आवश्यक छ।
चलचित्र “बिगुल” का निर्माता दिनेश कोइराला लगायत सम्पूर्ण टिमप्रति हार्दिक धन्यवाद तथा सफलताको शुभकामना।
आउनुहोस्, परिवर्तनको बिगुल फुकौं — चलचित्र “बिगुल” हेरौं।
