सियोलमा ७३औँ अन्तर्राष्ट्रिय सगरमाथा दिवस मनाइयो, विनोद कुँवरको सहभागिता
सियोल, दक्षिण कोरिया । गैरआवासीय नेपाली संघ (एनआरएनए) अन्तर्राष्ट्रिय समन्वय परिषद् (आईसीसी) का पूर्व अध्यक्ष Binod Kunwar ले दक्षिण कोरियाको सियोलस्थित Korea Press Center मा आयोजित ७३औँ अन्तर्राष्ट्रिय सगरमाथा दिवस कार्यक्रममा सहभागिता जनाएका छन्।
मे २९, २०२६ मा आयोजित कार्यक्रममा “Sagarmatha (Mount Everest): Identity and Pride of Nepal” भन्ने मूल नारासहित नेपालको पर्यटन, संस्कृति, प्राकृतिक सम्पदा तथा सगरमाथाको अन्तर्राष्ट्रिय महत्वबारे विशेष चर्चा गरिएको थियो।
कार्यक्रममा आफ्नो सहभागिताबारे सामाजिक सञ्जालमार्फत जानकारी दिँदै कुँवरले सगरमाथा केवल हिमाल मात्र नभई नेपालको पहिचान, गौरव, राष्ट्रिय स्वाभिमान तथा विश्वसामु नेपालको परिचयको प्रतीक भएको बताएका छन्। उनले सगरमाथा नेपालको मात्र नभई सम्पूर्ण मानव सभ्यताको साझा गौरव भए पनि यसको पहिचान र स्वाभिमान सदैव नेपालको नामसँग जोडिएको उल्लेख गरेका छन्।
Embassy of Nepal, Seoul द्वारा आयोजित उक्त कार्यक्रममा विभिन्न कूटनीतिक व्यक्तित्व, नेपाली समुदायका प्रतिनिधि, कोरियाली मित्रहरू, सगरमाथा आरोहण गरिसकेका प्रतिष्ठित कोरियाली पर्वतारोही तथा विशिष्ट अतिथिहरूको उल्लेखनीय सहभागिता रहेको थियो।
कुँवरले कार्यक्रमले नेपाल र South Korea बीचको मित्रता, सांस्कृतिक आदानप्रदान तथा पर्यटन प्रवर्द्धनलाई थप सुदृढ बनाउन महत्वपूर्ण योगदान पुर्याउने विश्वास व्यक्त गरेका छन्।
सगरमाथा दिवसका अवसरमा आयोजित यस कार्यक्रमले नेपालको विश्वव्यापी पहिचान, पर्वतीय पर्यटन तथा नेपाल–कोरिया सम्बन्धलाई थप मजबुत बनाउन सकारात्मक भूमिका खेलेको सहभागीहरूले बताएका छन्।
